सुरु होतोय अलौकिक चरणपादुका लीलेच्या प्रचितीचा दैवी अध्याय ! ( Swami Samarth Contest 2025 )
स्वामी पादुका महाकॉन्टेस्ट – चांदीच्या स्वामी पादुका जिंकण्याची सुवर्णसंधी
पहा जय जय स्वामी समर्थ दररोज रात्री ८.०० वा. आपल्या कलर्स मराठीवर !
मुंबई ३ जानेवारी, २०२४ : कलर्स मराठीवरील जय जय स्वामी समर्थ मालिकेत भक्तांना अनेक स्वामी लीला, चमत्कार बघायला मिळाले आणि ज्याने त्यांना समृद्ध केले. स्वामींनी नेहमीच भक्तांना आपलेसे केले आहे. सत्कर्म करायला शिकवले, स्वामींच्या छत्रछायेखाली आलेला प्रत्येक नास्तिक आस्तिक बनला.. त्याचा आयुष्याकडे पाहण्याचा दृष्टिकोन बदलला आहे. याच शृंखलेत आता अजून एक अध्याय जोडला जाणार आहे आणि तो म्हणजे मालिकेत सुरू होतोय अलौकिक चरणपादुका लीलेच्या प्रचितीचा दैवी अध्याय. “अनुभवाशिवाय विश्वास बसत नाही, आणि चमत्काराशिवाय नमस्कार होत नाही,” या स्वामींच्या शब्दांना उजाळा मिळणार आहे. आध्यात्मिक शक्ती, भक्ती, आणि मानवी जीवनातील चमत्कारांचा प्रवास उलगडणाऱ्या अलौकिक चरणपादुका लीला या विशेष अध्यायाची सुरुवात होत आहे. या कथा स्वामींच्या चरणपादुकांच्या महतीचे, त्यांच्या चमत्कारांचे, आणि त्यांच्या साक्षात्कारांचे अनुभव प्रेक्षकांसमोर मांडणार आहेत. तेव्हा नक्की पहा जय जय स्वामी समर्थ दररोज रात्री ८.०० वा. आपल्या कलर्स मराठीवर !
या अध्यायाची सुरुवात होत आहे आस्तिक देवकी आणि नास्तिक यमुना या दोन घनिष्ट मैत्रिणींची गोष्ट. स्वामी देवकीच्या कुटुंबाला चरणपादुका देतात आणि एक प्रतिकात्मक मुखवटाही देतात. देवकी आणि यमुनाच्या वैचारिक प्रवासात प्रेक्षकांना श्रद्धा आणि संशय यामधील संघर्ष अनुभवता येईल.ही कथा खूपच रोमांचक, गूढ आणि भावनिक आहे. जी विश्वास, श्रद्धा आणि कर्म यांच्यातील द्वंद्व आणि अध्यात्मिक लीला उलगडते, श्रद्धेच्या सामर्थ्याचे दर्शन घडवते आणि मानवी जीवनातील समस्यांवर असलेल्या समाधानांचा शोध लावते. सरदेशमुख दाम्पत्य स्वामींच्या चरणपादुकांची प्रतिष्ठापना त्यांच्या वाड्यात करतील ? स्वामींच्या आशीर्वादाने, देवकी ज्या बाळंतपणात जीवघेण्या परिस्थितीत असते, त्यातून कशी बाहेर पडते ?. स्वामींच्या पादुकांमधून प्रकट होणाऱ्या चमत्काराने काळी सावली कशी हटवली जाते आणि देवकीला पुत्रसुख प्राप्त होते ? याचा उलगडा होतो. यामध्येच कपिलाचे षड्यंत्र सुरु आहे ज्यामध्ये कपिलामाई स्वामींच्या पादुकांचा गैरवापर करत असते, तिच्या दुष्कृत्यांमुळे जनाबा नावाच्या भक्ताला संकटांना सामोरे जावे लागते. कपिलामाईचे हे दुष्कृत्य स्वामी कसे उघडकीस आणणार ? स्वामी कसा न्यायनिवाडा करणार ? हा अत्यंत पाहायला मिळणार आहे.
कलर्स मराठीद्वारे नव्या वर्षाची भक्तिमय सुरुवात होणार आहे कारण आता साक्षात स्वामी पादुका तुमच्या घरी येणार आहेत. कलर्स मराठीने आयोजित केली आहे स्वामी पादुका महाकॉन्टेस्ट. २ ते ३० जानेवारी जय जय सवामी समर्थ मालिकेत दर आठवड्याला विचारल्या जाणाऱ्या प्रश्नांची अचूक उत्तरे देणाऱ्या दोन भाग्यवान विजेत्यांना मिळणार आहेत चांदीच्या स्वामी पादुका.
या महिनाभरात प्रेक्षकांना स्वामींच्या पादुकांमुळे प्रकट होणाऱ्या लीला, चमत्कार, आणि भक्तांच्या जीवनाला मिळणारे दैवी अनुभव पाहायला मिळतील. तेव्हा नक्की पहा अलौकिक चरणपादुका लीलेच्या प्रचितीचा दैवी अध्याय, जय जय स्वामी समर्थ मालिकेत दररोज रात्री ८.०० वा. आपल्या कलर्स मराठीवर !